عَقْلْكْ بْقْفْلْ تّْقْفْلْ أَخُويَا

يِحْسْنْ عَوْنْكْ مْنْ هَادْ الدّْنْيَا

مَا بْقَى لاَ قْلْبْ يِحْسّْ وْ لاَ دْمَاغْ يِوْزْنْ

حْتَّى لاَيْنْ زَايِدْ بِينَا هَادْ الْهْمّْ ؟

***********

فْالْخْدْمَة مَا عْنْدْكْ حَقّْ

قَالُوا ׃ انَتَ وْلْدْ مْنْ؟

أُو قْرَايْتْكْ مَا لاَزْمَة حْدّْ !.. 

فْالزّْوَاجْ مَا عْنْدْكْ حَقّْ

قَالُوا ׃ بْغِيتِي الْمْرَة عْلِيكْ تْخْدْمْ؟..

حَتَّى فْالضّْحْكْ مَا عْنْدْكْ حَقّْ

قَالُوا ׃ انْتَ عَايِشْ غِيرْ لْنْفْسْكْ

أُو فْهَادْ الدّْنْيَا مَا رَافْدْ هَمّْ!.. 

***********

قْهْرُوكْ وْ الإِيمَانْ مْنْ قْلْبْكْ بُْغَاوْ يِقْلّْعُوا يَا خُويَا

بْغَاوْكْ مَا تّْزَادْ، مَا تْكُونْ

مَا تْزَاحْمْهُمْ فْأَرْضْ وَ لاَ سْمَا وَ لاَ بْحَرْ ..

الْكُوْنْ لِيهُمْ تّْخْلْقْ وْ انْتَ مْعَاهُمْ زَايِدْ

غْيِّرْ مْكَانْكْ أُو زْوّْلْ عْلِيهُمْ هَادْ الْهْمّْ

**********

رَحْمَةْ اللَّهْ حْرّْمُوا

دَارُوا مَا بْغَاوْ أُو بْسْبَابْهُمْ السّْمَا عْلِينَا سْخْطَاتْ

اللَّهْ يَا مُولاَنَا

وَاشْ هَادْ الْهْمّْ، مَا بْغَا يِتّْلْمّْ؟

الأَرْضْ تّْنْفْضَاتْ أُو كُلْ مَا فْجُوفْهَا خْرّْجَاتْ

سَاعْتْنَا قْرّْبَاتْ

أُو لاَ وَاحْدْ قَالْ الدّْنْيَا هْنَا بْقَاتْ ...

**********

شْلاَّ مَا يِتّْقَالْ

أُو السّْكَاتْ مَاشِي خْيِرْ ..

نْقُولُوا أُو نْعِيدُوا أُو نْزِيدُوا

حْتَّى هَادْ الْهْمْ مْنْ سْمَانَا يِرْحَلْ ..

**********

عْقْلْكْ ضْرّْكْ أَخُويَا

هْمّْكْ ثْقِيلْ أُو عْوِينْكْ قْلِيلْ

حَاسْ بِيكْ مُولاَكْ، هُوَّ خْلْقْكْ ..

ماَزَالْ ايَّامْكْ طْوِيلَة فْالدّْنْيَا يَا خُويَا

وْ اللَّهْ يِفْرّْجْ حَالُو

وِ يْحْدّْ بَاسُو

وِ يْصْلّْحْ نَاَسُو

أُو الْقْبِيلَة مْنْ خْيَامْهَا.. مَا تْرْحْلْ ...